पुण्याची मराठमोळी सौम्या ठरली India’s Best Dancer सीझन 2 ची विजेती

0
225
पुण्याची मराठमोळी सौम्या ठरली India's Best Dancer सीझन 2 ची विजेती
पुण्याची मराठमोळी सौम्या ठरली India’s Best Dancer सीझन 2 ची विजेती

पुण्याची सौम्या कांबळे लोकप्रिय डान्स रिअॅलिटी शो इंडियाज बेस्ट डान्सर सीझन 2 ची विजेती ठरली आहे.तिला ट्रॉफी देण्यात आली असुन सौम्याला 15 लाखांचा धनादेश आणि सोनी एंटरटेनमेंट टेलिव्हिजनकडून स्विफ्ट कार भेट मिळाली आहे. तिची कोरिओग्राफर वर्तिका झा हिला ५ लाख रुपयांचा धनादेश देऊन गौरविण्यात आले. सर्वोत्कृष्ट ५ फायनलमध्ये जयपूरचा गौरव सरवन हा फर्स्ट रनर अप आणि ओडिशाचा रोजा राणा हा सेकंड रनर अप ठरला.

आसामचा रक्‍तिम ठाकुरिया आणि केरळचा जमरूड तिसरा आणि चौथा उपविजेता घोषित झाला. यासोबतच सर्वांना एक लाख रुपयांचा धनादेश देण्यात आला. एकदा शोमध्ये खास पाहुणे म्हणून आलेल्या आशा भोसले सौम्याच्या डान्स मूव्हमेंट्सने एवढ्या प्रभावित झाल्या की, तिला लिटल हेलन ही पदवी दिली. फिनालेमध्ये सौम्याने वर्तिकासोबत बेली डान्स आणि फ्री-स्टाईल अॅक्ट सादर केले. सौम्याने अनेकदा शो दरम्यान सांगितले आहे की तिच्या वडीलांना तिला डॉक्टर बनवायचे आहे , तर तिच्या आईची इच्छा आहे की तिच्या मुलीने नृत्यांगना बनावे. काही काळापूर्वी शोमध्ये आलेल्या नोरा फतेहीने तिला बेली डान्सिंग कॉइन बेल्ट गिफ्ट केला होता.

India's Best Dancer winner

ट्रॉफी जिंकल्यानंतर सौम्या म्हणाली, ‘मी माझ्या भावना शब्दात मांडू शकत नाही. मी भावूक झालो आहे. ज्यांनी मला मतदान केले आणि या प्रवासात मला साथ दिली त्या सर्वांचे मी आभार मानू इच्छितो आणि जे माझ्या जीवनाचा अविभाज्य भाग बनले त्यांचे आभार मानू इच्छितो. खासकरून माझी कोरियोग्राफर आणि माझी मेंटॉर वर्तिका दीदी या कार्यक्रमात माझ्यासोबत राहिल्या. मी तिची खूप ऋणी आहे. India’s Best Dancer एक भाग म्हणून मी खूप काही शिकले आणि मला माझ्यासारखे विचार करणारे लोक सापडले जे माझ्यासारखेच नृत्य करण्यास उत्सुक आहेत. भविष्यात काय घडणार आहे हे मला माहीत नाही, पण नृत्य हा माझ्या भविष्यातील एक महत्त्वाचा भाग असेल. मलायका मॅम, टेरेन्स सर आणि गीता माँ या सर्व न्यायाधीशांचेही मी आभार मानते ज्यांनी आपल्या नम्र शब्दांनी आणि प्रेरणेने या शोमध्ये मी शक्तीने उभी राहिली.

Leave a Reply